مرات ابنى 1

قالت:
ـ “أنا كنت فاكرة إن الموضوع انتهى من زمان، لكن من كام شهر حصلت حاجة خلتني أراجع كل اللي حصل.”
قلت:
ـ “إيه الحاجة؟”
قالت:
ـ “الراجل اللي كانت مرتبطة بيه زمان رجع يظهر.”
سكت.
قلت:
ـ “ظهر إزاي؟”
قالت:
ـ “بعتلها رسالة.”
ـ “وهي ردت؟”
قالت:
ـ “مش عارفة.”
قلت لها:
ـ “يعني إنتي مش عارفة وهي كمان ساكتة؟”
قالت:
ـ “علشان كده أنا عايزة أخويا يعرف.”
أنا مسكت إيدها وقلت:
ـ “اسمعيني كويس… إوعي تبعتي له صورة واحدة.”
قالت بعناد:
ـ “بس يا ماما…”
ـ “ولا محادثة.”
ـ “ماما!”
ـ “ولا تعملي حساب وهمي. لو عندك حاجة خطيرة، لازم تتقال بوضوح ومن غير تلاعب.”
بنتي فضلت ساكتة.
وبعدين قالت:
ـ “طيب، لو قلتلك إن عندي دليل إن الراجل ده كلمها بعد جوازها؟”
اتجمدت مكاني.
ـ “بعد جوازها؟”
هزت راسها.
ـ “أيوه.”
قلت:
ـ “وهي ردت عليه؟”
قالت:
ـ “هنا بقى المشكلة.”
ـ “يعني ردت؟”
قالت:
ـ “أنا مش متأكدة.”
صرخت فيها:
ـ “يبقى إزاي هتخربي بيت أخوكي على حاجة إنتي مش متأكدة منها؟!”
قالت:
ـ “علشان عندي سكرين شوت.”
ـ “سكرين شوت لإيه؟”
قالت:
ـ “رسالة منه ليها.”

ـ “ومكتوب فيها إيه؟”
بنتي مدتلي الموبايل.
قرأت الرسالة…
وكان مكتوب:
“أنا لسه مستني منك الإجابة… ومش هسيب الموضوع يعدي كده.”
قلبي دق بسرعة.
قلت:
ـ “دي رسالة منه، مش منها.”
قالت:
ـ “بالضبط.”
قلت:
ـ “يعني ممكن يكون بيهددها.”
قالت:
ـ “وممكن يكون بينهم حاجة.”
سكت.
لأول مرة بدأت أحس إن الموضوع مش مجرد غيرة بنتي من صاحبتها ولا محاولة مني أرجع ابني لينا.
يمكن مرات ابني فعلًا مخبية حاجة…
ويمكن بنتي كمان شايلة في قلبها حاجة من زمان.
قلت لها:
ـ “عايزة أعرف حاجة واحدة بس… إنتي ليه مصممة تفضحيها؟”
بنتي بصتلي بعينين مليانين دموع وقالت:
ـ “علشان أنا السبب.”
ـ “السبب في إيه؟”
قالت:
ـ “أنا اللي خليت أخويا يتجوزها.”
ـ “إنتي؟!”
قالت:
ـ “أنا اللي فضلت أقول له إنها أحسن واحدة في الدنيا، وإنها جدعة ومحترمة ومفيش زيها.”
وسكتت لحظة.
ثم قالت:
ـ “أنا كنت فاكرة إني بساعده يتجوز البنت اللي بيحبها.”
ـ “وبعدين؟”
قالت:
ـ “بعد الجواز اكتشفت إن في حاجات هي عمرها ما قالتها له.”
قلت:
ـ “طب ليه سكتي؟”
قالت وهي بتعيط:
ـ “علشان خفت أخرب بيت أخويا.”
سكتنا إحنا الاتنين.
وبعد لحظات، موبايل بنتي رن.
بصت للشاشة واتغير لون وشها.